الثلاثاء، 6 مارس 2012

حصريا تحويل الايفون الي فلاش ممري بمساحه 14GB




السلام عليكم ورحمة الله وبركاتة ,
قبل كم يوم وانا يالس ادور عن اداة تعطيني الحرية اني انقل الصوتيات من الاي فون الى فتحة يو اس بي الامبي ثري السيارة بدون اي وصلات معقدة او وصلات اضافية وفعلا بالصدفة يت على بالي قلت بجرب بكتب في الساديا وابحث عن اسم usb وفعلا حصلت برنامج فنان وضيفته تحويل الاي فون الى ذاكرة فلاش حقيقية
معنى حقيقية انه فعلا بمجرد توصيلك الاي فون الى الكمبيوتر يتعرف الكمبيوتر على الاي فون على اساس انه USB Drive جديد وبدون تدخل الاي تونز او غيره
نظرا لضيق وقتي ماقدر احطي صور وايد للشرح ولان البرنامج مايحتاج الى شرح ,
طريقة التحميل بسيطة ضيفو السورس
http:\\repo.insanelyi.com\
وتسوو ابديت وبعدين تدورون عن برنامج اسمه USB DRIVE
البرنامج متوافق مع اخر اصدار 5.0.1
بعد تثبيت البرنامج ندخل على البرنامج



نشوف ثلاث اختيارات ومعناه كالتالي
Drive only : تحويل الاي فون الى ذاكرة فلاش يعني لو وصلت الاي فون ونت مختار هذه الحالة .. يتعرف الكمبيوتر على انك موصل ذاكرة فلاش جديدة , ويوم تدخل my computer بتحصل ذاكرة يو اس بي جديدة , لكن ماتقدر تسوي تزامن مع الاي فون عن طريق الايتونز
default : الوضع الطبيعي , تقدر تسوي تزامن مع الايتونز وبيكاب وريستور وغيره نفس قبل
Drive+ itunes : مايسوي تزامن مع الوندوز لكن لو عندك جهاز ماك + xcode تقدر تنقل برامجك الى الاي فون .. انا اشوف الوضع هذا مامنه فايدة لانه فقط للمطورين والمبرمجين ,,
تحت في كلمة virtual disks في كلمة create disk..
تختارونه عشان تسوون لكم درايف يو اس بي بعد ماتختارونه تختارون المساحة الي تبونه من المساحة المتبقية للاي فون كما في الصورة


وهذه صورة التعليمات بالانجليزي اللي مافهم شرحي الي فوق




سلبيات البرنامج : -
ماتقدر تنقل ملفات من الاي فون نفسه الى المساحة المحجوزة للفلاش درايف وانا حاولت بشتى الطرق لكن للاسف ماقدرت ,, الطريقة الوحيدة الي تنقل الملفات هي من الكمبيوتر يعني كانك فعلا تتعامل مع ذاكرة فلاش حقيقية , ومافي اي علاقة بين ملفات الاي فون والمساحة المحجوزة حق الفلاش حتى دورت في الاي فايل حصلت ملف اسمه volum.img هذا الملف حجمه نفس حجم الذاكرة الي اخترته ,, وانا حاولت افك الضغط عنه من الاي فايل ماقدر لان قلت اكيد لو قدرت افك الضغط اقدر اطلع الملفات المخزنة وايضا اقدر اخزن فيه ملفات عن طريق اعادة ضغط الملفات ,, لان اعتقد لو ماخاب ضني ان الامتداد img عبارة عن نوع ملفات مضغوطة ,,
السلبية الثانية ,, ماتقدر تستعمل الاي فون مع الايتونز اذا فعلت خاصية drive only ,, وايضا يوم تختار بين drive only و defaultيطلب منك اعادة تشغيل الاي فون ..
.. اتمنى حد من الاعضاء يبحث لنا بطريقة او بحل انه نقدر ننقل الملفات من الاي فون مباشرة الى القسم المخصص للذاكرة فلاش ,,
والسموحة منكم

ليست هناك تعليقات:

إرسال تعليق